കരവാരം ഗ്രാമപഞ്ചായത്തിലെ ഗതാഗത സൗകര്യവും പ്രദേശവികസനവും ശക്തിപ്പെടുത്തുന്നതിനായി നടപ്പിലാക്കിയ നിരവധി അടിസ്ഥാന സൗകര്യ പദ്ധതികൾ പൂർത്തിയായി. മഞ്ചപ്ലാക്കൽ–അനൂർ വിളാകം റോഡ് (MLA ഫണ്ട് ₹26 ലക്ഷം), കുഴിവിള ക്ഷേത്രം–പെരുന്തോട്ടത്ത് കാവ് റോഡ് (MLA ഫണ്ട് ₹17.6 ലക്ഷം), കരിങ്ങോട്ടുകാവ് ദേവീക്ഷേത്രം റോഡ് (വാർഡ് മെമ്പർ ഫണ്ട് ₹4 ലക്ഷം), നവീകരിച്ച പുതിയ തടം–കുഴിവിളക്കാവ് റോഡ് (വാർഡ് മെമ്പർ ഫണ്ട് ₹8 ലക്ഷം), നവീകരിച്ച ഞാറക്കാട്ടുവിള–പുലിക്കോട്ടുകോണം ക്ഷേത്ര റോഡ് (വാർഡ് മെമ്പർ ഫണ്ട് ₹7.3 ലക്ഷം) എന്നിവയുടെ ഉദ്ഘാടനം ബഹുമാന്യ ആറ്റിങ്ങൽ എം.എൽ.എ ശ്രീമതി ഒ. എസ്. അംബിക നിർവഹിച്ചു.
ഇതോടെ പ്രദേശവാസികളുടെ ദൈനംദിന യാത്രാസൗകര്യങ്ങൾ ഗണ്യമായി മെച്ചപ്പെടുകയും, ഗ്രാമത്തിലെ സമഗ്ര വികസനത്തിനു പുതിയ ഉയരങ്ങൾ ലഭിക്കുകയും ചെയ്യുമെന്ന് ചടങ്ങിൽ സന്ദേശം നൽകി.
കരവാരം ഗ്രാമപഞ്ചായത്തിൽ വിവിധ വികസനപദ്ധതികളുടെ ഭാഗമായി പുതുതായി പണികഴിപ്പിച്ചും നവീകരിച്ചും പൂര്ത്തീകരിച്ച പ്രധാന റോഡുകളുടെ ഉദ്ഘാടനം ബഹു. ഒ. എസ്. അംബിക എം.എൽ.എ നിര്വഹിച്ചു
